Við þurfum réttarkerfi til að takmarka afbrot en hver á að borga ?

Í knattspyrnu er talað um að elta eigi boltann í stað þess að elta manninn. Í rannsóknum fjárglæpamála er talað um að árangusríkast sé að elta slóð fjármuna. Í Al Thani málinu má í vissum skilningi segja að verið sé að elta mennina. Hefði ekki mátt sekta stjórnendur bankanna og bankana sjálfa og þannig innheimta hluta af þýfinu til baka ? Mér er engin þægð í því að loka einhverja menni inni sem hafa stolið pengingunum mínum og halda þeim uppi í fullu fæði og húsnæði í einhver ár með ærnum kostnaði og að refsidvöl lokinni kom þeir út í samfélagið með fullar hendur fjár og fullir hefnigirni og fullnuma í enn hættulegri glæpum.  Látum mennina og bankana sem voru gerendur í bankahruninu sem hafa auðgast á misferlum borga til baka það sem þeir með ófrjálsri hendi hafa stolið. Svo mætti einnig spyrja hvort ekki sé sanngjarnt að þeir borgi húsaleigu og fæði ásamt gæslu meðan á fangelsisvist stendur ? Er ekki mesta refsingin hjá þessum mönnum og hjá bönkunum þegar hreyft er við peningunum þeirra ?  Aðrar þjóðir virðast einbeita sér að sektum meðan við hlaupum í manninn. Ég er sammála Evu Joly að við eigum að auka framlög til sérstaks saksóknara og sérstakur bankaskattur á að standa undir þeim framlögum.

„Mjög gott fyrir lýðræðið á Íslandi“

Athugasemdir

[Þorsteinn Siglaugsson, 14.2.2015 kl. 16:43]

Þetta eru mjög góðir punktar, Jón Egill. Auðvitað á að leggja meiri áherslu á að ná fjármunum til baka en eltast við einstaklinga. Hversu miklu ætli fólk hafi til dæmis tapað á Al Thani málinu sem hljóp til og keypti hlutabréf í þeirri trú að bankinn væri traustur? Þetta fé fæst aldrei til baka. Kröfuhafarnir fá það einfaldlega.

[Grímur (IP-tala skráð) 15.2.2015 kl. 09:30]

Þær sektir sem Samkeppnisstofnun hefur lagt á fyrirtæki

hafa skilað sér hratt og vel

út í verðlagið hjá neytendum